“Hei leh chen hi Lalpan min pui a ni,”
1 SAMUELA 7:12
HE KAN MALSAWMNA DAWN MIN RAWN HMAN PUI AVANGIN IN ZAVAI HNENAH THLARAU THIANGHLIM CHENCHILHNA LO THLENG ZEL RAWH SE.
Maj. T Zothanmawia DYS
Central North Division
Krista tan ka dopui duhtak, Ainawn Corps Salvation Army Youth member zawng zawngte, Sipai a min thlangtu Isua Krista hmingin, Ruby Jubilee chibai ka buk a che u.
Ainawn Corps SAY ten Pathian hruaina avanga Kum 40 lai in lo thleng ta hi ka lawmpui che u a. He Corps atang hian Mizoram mai pawh ni lo India ram pum huap pawh a mi chhuanawm tak inlo chhuak tawh a. Midang pawh in la chhuak zel ang tih ka ring a ni. He hun pawimahw tak thleng thei tur a, hruaitu hmasaten thahnemngai taka hun harsa leh hrehawm pawh pawisa lova rim taka an lo thawhna avangin zahna chibai ka buk a.
Ruby Jubilee hi SAY leh Corps Sipai ten hlim leh lawm taka hun hmang turin duhsakna kan nupain kan hlan a che u. Lalpan Ainawn Corps Sipai zawng zawng midang tan entawntlak leh mamawhtute tan malsawmna thlentu leh Thlaraubo hmangaihtu lo ni zel turin Lalpan malsawm che u rawh se.
Chhiartu zawng zawngte, Sipai hote Lalpa hmingin chibai ka buk a che u.
Ainawn Corps SAY chuan Pathian kaihhruaina leh awmnpuina in Ruby Jubilee kan lo thleng ta a.
Kan Hruaitu hmasate thahnemngaihna leh inpekna kan hre reng a; a sur asa hnuai a, a thim a var thlu lova Pathian leh a kohhran tana an lo beihna te avangin Ainawn Corps YC/SAY chu a kal zel a, hma a sawn zel a, Kum 40 lai a lo chhiar ta, Lalpa chu fakin awm rawhse. YC/SAY member ropuina rama kaisang ta zawng zawngte pawh kan nghilh heklo.
He Ruby Jubilee Souvenir 'EBENEZER' buatsaihna kawng a hun leh tha, rilru fim leh ngaihtuahna seng tute zawng zawng chungah thinlung leh tihtak-zetin lawmthu ka sawi a. A hlawhtlin nan a, Lt. Col. Lalramliana Hnamte thuziak te, kan DYS Major T. Zothanmawia thuchah te leh kan Commanding Officer Major R. Lalchhuana lawmpuina te hian he Souvenir bu hi a ti changtlungin a ti phuisui a; ziaktu dang zawng zawngte pawh, kum tamtak pawh liam se Ainawn Corps SAY te chuan in thuziak te hi hlut tak chungin kan la keu let fo dawn chu a nih hi! Lawmthu kan sawi e..
He Ruby Jubilee Souvenir hi ka ngai hlu a, mi thenkhat ten kal pah pawh a an tih maitheih thil hi ka tan chuan rawngbawlna tling, Ainawn Corps SAY a Krista peng pakhat ka nih ve na ni hial ah ka ngai a ni.
Heng thuziak tha tak takte, thlalak mawi tak takte, hun leh tha, rilru leh ngaihtuahna sen ral tak zawng zawngte khum hian, khawngaih rawngbawl hna min pe a, kan rawngbawlna tlawm leh beitham takte rimtuia minlo pawm sak thintu Sipai hote Lalpa hming chu lo ropui ber zawk rawh se.